بين نارين

وانا قاعد بفكر هاعمل ايه بعد امّا اتخرج إنشاء الله من الكلية وشوياه كمان بفتح التلفزيون وشوفت اللى بيحصل فى غزه لقيت بيودر داخلى شوية احسايس ملخبطة بعدها لقيتنى ماسك القلم والورقة وباكتب الكلام ده

مش عارف اعمل ايه والحيرة واخدانى اعيش فى دنيا الواقع ولا في خيال أحلامى
اعيش فى دنيا الغلا والبطالة وأداوى احزانى
اعيش فى دنيا الحلم فيها قبل الولادة بيتخنق,عشان طريقه للعمار مسدود وبيفصل بينى وبين تحقيقه كل الحدود
الواسطة والكوسة خلاص يناس ارفونى,
من كتر سماعى عنهم خلاص كرهتهم

منين اروح آلاقى الكل امامهم (ينخ)زى الجمل العالى لمّا عالارض ينزل عشان على ضهره يركب ياناس بنى ادميين
منهم الغالي ياناس والباقى خدامين

اعيش فى دنيا الحلم (هيرو) ولاّ فى دنيا الواقع اعيش ياناس مذلول
دنيا خلاص الناس ادو لعقولهم اجازة وخلّوه يعيش مشلول

دنيا اليهود فيه سادو على امة الاسلام
الذل والهوان خلونا ياناس واقفين, وكل واحد فينا رجليه متكتفين, وعينيه يناس خلاص للدنيا مغمضين

دنيا فيها امريكاوالوطنى وفتح والبعث وامن الدولة كده على قلبنا قاعدين

,رافعين رايات الغضب لواحنا ياناس وقفنا بالحق متكلمين

عن حماس والمعارضة ومقاومةالاحتلال فى غزةفى العراق او حتى فى الوراق
ولاّ
اعيش فى دنيا الخيال وأبنى لحلمى قصور
وابدأ امد مع كل العالم جسور
جسور ياناس مبنية عالعزة وعالكرامة
جسور ياناس عمدنها المرؤةه والشهامه

احلم بأنى امير وجيوشى فوق اراضى المسلمين بطير
بتحرر غزه والعراق وكمان اراضى الشام
من شلة ظلمة حكموها بالنار وبالحديد
وخلوا اهلها فيها عايشين زى العبيد

احلم ببلدى جميلة مفهاش ياناس الظلم
والكل واخد حقه ورافعين رايات العلم

باحلم انا واصحابى ازاى نكون ثوار
ومفيش حاجة تمنعنا إن احنا نعيش احرار
ولا اشوف فى يوم قلم رصاص سنه بيتأصف
ولاحتى قلم جاف حبره بيتمسح

باحلم اشوف الايجابية عند الناس مبدأ والكل ليها فى حياته بيطبق

اصل الواقع بالنسبة ليّا مسألة
والحلم عندىمبدأ
محمد خيّال
واحد الدنيا محيراه